فارس خبري آژانس د ایران حکومت د ویاندې فاطمې مهاجراني له قوله خبر ورکړی، چې د ایران په سویلي سیمو کې د امریکا د وروستیو بریدونو له امله تر ۳۰ ډېر ملکي وګړي وژل شوي دي.
د فارس خبري اژانس زیاتوي، چې د حکومت ویاندې په ټولنیزو رسنیو کې په خپره کړې اعلامیه کې ویلي، چې په یادو بریدونو کې ملکي وګړي په نښه شوي او په پایله کې یې لسګونو بېګناه خلکو خپل ژوند له لاسه ورکړی دی.
هغې د قربانیانو له کورنیو سره خواخوږي څرګنده کړې او ویلي یې دي، چې حکومت به د زیانمنو شویو خلکو ترڅنګ ولاړ وي. د ایران ویاندې همداراز ټینګار کړی چې «د ایران سویل د دې هېواد تپنده زړه دی» او د وژل شویو کسانو یاد یې درناوی کړی دی.