تسنیم خبري اژانس خبر ورکړی، چې د ایران ولسمشر مسعود پزشکیان ویلي، امریکا د اسلامي جمهوریت له شتون سره مخالفه ده او که زور یې ورسېږي، نه غواړي په ایران کې اسلامي نظام موجود وي.
پزشکیان د خبریالانو په یوه خبري ناسته کې ویلي، چې امریکا استعمارګره او قاتله ده او که زور یې ورسېږي، هېڅکله نه غواړي چې په ایران کې اسلامي جمهوریت موجود وي.
نوموړي زیاته کړې، چې له امریکا سره خبرو، بحثونو او تخنیکي ارزونو واشنګټن اړ کړ چې له ایران سره همکاري وکړي.
هغه ټینګار کړی، چې ایران باید خپلې لاسته راوړنې وساتي او خپل ځواک کمزوری نه کړي.
پزشکیان د هرمز تنګي په اړه هم ویلي، چې د ایران او عمان ترمنځ له شوې هوکړې څخه سرغړونه شوې او ایران یې په ځواب کې اقدام کړی دی.