د بهرنیو چارو وزارت د سیاسي چارو دویم رئیس ذاکر جلالي وايي، ترکیه د افغانستان په بهرني سیاست کې مهم ځای لري او له همدې امله کابل ته د دې هېواد د استخباراتو رئيس سفر هم مهم بللی شو.
نوموړي پر خپله اېکس پاڼه لیکلي، چې کابل او کندهار ته د ترکیې د استخباراتو د رئیس ابراهیم کالین وروستی سفر او له لوړپوړو افغان چارواکو سره د هغه لیدنې، د دواړو هېوادونو ترمنځ د دوه اړخیزو اړیکو د لا پیاوړتیا څرګندونه کوي.
ښاغلي جلالي زیاته کړې، چې په افغانستان او سیمه کې د ثبات د ټینګښت په برخه کې د ترکیې رول هم د پام وړ اهمیت لري.