د ترکیې ولسمشر رجب طیب اردوغان له الجزیرې سره په مرکه کې ویلي، چې اسرائیل د سیمې د جګړو اصلي محرک او لوبغاړی دی او تل یې د جګړې انتخاب ته ترجیح ورکړې ده.
اردوغان ویلي، اسرائیل په غزه او لبنان کې خپلو بریدونو ته په تهاجمي ډول دوام ورکوي او د سولې لپاره یې مثبت چلند نه دی ښودلی.
د هغه په وینا، د اسرائیلو د جګړهمار سیاست له امله د سیمې نورو هېوادونو درانه لګښتونه ورکړي دي.
نوموړي ټینګار کړی، که پر ترکیې د سولې پر ځای د جګړې لپاره برید وشي، انقره به له جګړې ونه تښتي او د خپل هېواد د دفاع لپاره به اقدام وکړي.