د سرپرست حکومت مشرتابه په خپله اختریزه وينا کې ډاډ ورکړی چې، ډېر ژر به يو جامع او له اسلامي شريعت څخه اخيستل شوی قانون جوړ شي او په دې اړه دې هېڅڅوک تشويش نه کوي.
نوموړي ډاډ ورکړی چې، د خپلو متخصصينو پر مټ به د پرديو له مداخلې پرته له اسلامي شريعت سره سم په ټولو برخو کې قوانین جوړ او پلي شي.
مشرتابه زياته کړې: «د غرب څخه کاپي شوی قانون نه جوړوو، سابقه قوانين نه اصلاح کوو، تعديل په کې نه راولو، بلکې نوی قانون چې ټول مأخذ به یې شريعت او پر ټولو شرعي اصطلاحاتو باندې بناء وي، جوړوو».
