شېر کړئ Facebook Twitter بریښنالیک Telegram WhatsApp د عامې روغتیا وزیر، مولوي نور جلال جلالي په یوه مطبوعاتي غونډه کې هند ته د خپل سفر په اړه معلومات وړاندې کړل.ښاغلي جلالي وویل، چې د هند حکومت او اړوندو ادارو له لوري په طبي او درملیزو برخو کې د ځانګړو مرستو ژمنې ورسره شوې دي.د نوموړي په وینا، ژمنه شوې چې د هند حکومت به د پنځه میلیونه ډالرو په ارزښت بېلابېل واکسینونه، د درې میلیونه ډالرو په ارزښت د سرطان ناروغۍ لپاره د راډیوتراپۍ ماشین او د یو میلیون ډالرو په ارزښت پنځه ټنه د سرطاني ناروغیو درمل افغان حکومت ته وسپارل شي.دغه راز د هند حکومت او اړونده ادارو ژمنه کړې، چې د درې سوه زره ډالرو په ارزښت د سيټيسکن ماشین افغان حکومت ته سپاري او د پنځه سوه زره ډالرو په ارزښت به افغانستان کې یو روغتون او د تلسیمیا ځانګړی مرکز جوړوي.
د بشري حقونو نړيوال بنسټ پر خوست ولايت د پاکستاني رژيم بريد کې د ملکي وګړو مرګژوبله تاييد کړه10 جون 2026
