د افغانستان د سوداګرۍ او پانګونې خونې خبر ورکړی چې د افغانستان، د روسیې د داغستان او تیومن سیمو او قزاقستان د سوداګریزو استازو ترمنځ د مخامخ سوداګریزو ناستو په ترڅ کې د ۴۴۶.۶ میلیونه افغانیو په ارزښت بېلابېل سوداګریز قراردادونه لاسلیک شوي دي.
د خپرو شويو معلوماتو پر بنسټ، دغه قراردادونه د ودانیزو موادو، درملو، خوراکي توکو او کرنیزو خدمتونو اړوند دي.
ویل کېږي، د دې هوکړو اساسي موخه د سوداګرۍ پراخول، پانګونې ته زمینه برابرول او د سیمې د خصوصي سکټورونو ترمنځ د اقتصادي همکاریو لا پیاوړتیا ده.