قزاقستاني رسنيو راپور ورکړی، چې د منځنۍ اسیا هېوادونو او اروپايي ټولنې استازو د قزاقستان په الماتي ښار کې په یوه غونډه کې د افغانستان پر وضعیت، د سیمې پر امنیتي اغېزو او د نړیوالو همکاریو پر پراختیا خبرې کړې دي.
سرچينو ويلي، په دې ناسته کې د افغانستان د روانو بدلونونو، اقتصادي او ټولنیز پرمختګ او د ترانزیټي دهلېزونو د پراختیا پر اهمیت ټینګار شوی.
د معلوماتو له مخې، ګډونوالو ويلي، چې افغانستان د منځنۍ او جنوبي اسیا ترمنځ سوداګریزې اړیکې او له اروپا سره نښلونې پیاوړې کولی شي.
په ورته وخت د يادو هېوادونو استازو د ملګرو ملتونو د همغږۍ رول او له افغانستان سره د بشري او تعلیمي مرستو د دوام ملاتړ کړی او د سیمهییزو هېوادونو ترمنځ د همکارۍ د پیاوړتیا ژمنه یې کړې ده.