له ارګ څخه خپره شوې خبرپاڼه کې راغلي، چې نن ورځ د رياست الوزراء د اداري مرستيال مولوي عبدالسلام حنفي په مشرۍ او د دې کمېسيون د غړو په ګډون د اداري کميسيون غونډه ترسره شوې.
په دې غونډه کې، د عامې روغتيا او د شهيدانو او معلولينو چارو وزارتونو او همداراز د ښاروالیو چارو انسجام عمومي رياست اړوند موضوعات په هر اړخيز ډول ارزول شوي او په تړاو يې لازم تصميمونه هم نيول شوي دي.
د معلوماتو له مخې په پای کې، په اجنډا کې د شاملو نورو موضوعاتو د لا زيات تدقيق او ارزونې په موخه جلا کمېټو ته مشخصې دندې هم سپارل شوې دي.