ورځ او نېټه: يکشنبه ۱۴۴۶/۹/۲۳ ھ ق.
- [ ] افغانستان:
۱_امریکا پر خلیفه سراج الدین حقاني ایښودل شوې جایزه لغوه کړه.
۲_امنیتي ځواکونو خوست کې د جلغوزیو ونو پرې کولو په تور پنځه کسان نیولي.
۳_صنعت او سوداګرۍ وزارت: تېر کال د افغانستان د سوداګرۍ پروسه غوړېدلې وه او د خلکو پېر او پلور ډېر وو.
۴_د پرځېدلي جمهوريت پر مهال پاکستان کې افغان سفير عاطف مشعل: د امريکا له لوري د خليفه سراج الدين حقاني په سر د اېښودل شوې جائزې باطل اعلانول يو لوی سياسي پيغام لري.
۵_دوکتور لطف الله خیرخوا: امريکا د خليفه سراج الدين حقاني پر سر ايښودل شوې جائزه لغوه نه، بلکې باطله اعلان کړه.
۶_ذاکر جلالي: افغانستان او امریکا د دوه اړخیزو اړیکو د ښه کولو لپاره د رغنده ګامونو د پورته کولو په حال کې دي.
۷_کابل کې د ارغندۍ ترانسپورټي ترمينل د چارو پرانيسته وشوه.
۸_عامې روغتيا وزارت: د وزارت له دېوالونو د شعارونو پاکول د بيا رغونې يوه برخه ده او بېرته ليکل کېږي.
۹_مولوي امیرخان متقي د قطر له شارژدافیر سره په کتنه کې له امریکا سره د ورستیو پرمختګونو په اړه خبرې کړي.
- [ ] سیمه:
۱_جنوبي پنجاب کې د پاکستاني پولیسو پر زرهي ټانک بمي برید؛ ټانک تخریب او پکې سپاره پولیس هلاک شوي.
۲_د بلوچستان په نوشکي کې د پولیسو پر ګزمې برید؛ څلور پولیس هلاک شوي.
۳_د بلوچستان په نصیراباد کې پر دولتي شرکت د برید مسؤلیت د بلوڅو BRG وسلهوالې ډلې منلی.
- [ ] مینځنی ختیځ:
۱_د حماس غورځنګ د سیاسي دفتر غړی صلاح البردویل د اسرائیلي رژیم په هوایي برید کې شهید شوی.
۲_د ايران او سعودي بهرنيو چارو وزيرانو په غزه کې د اسرائیلو جنايتونه غندلي.
- [ ] نړۍ:
۱_د امریکا د نیو مکسیکو ایالت په یو پارک کې د ډزو له امله ۱۸ کسانو ته مرګژوبله اوښتې.
۲_د روسیې د بهرنیو چارو وزارت: روسیه د انرژۍ پر تاسیساتو د اوکراین د بریدونو پر وړاندې د ورته غبرګون حق لري.
۳_پوتين لويديځ ته په اشارې: له روسیې سره جګړه د نړۍ د پای په معنا ده ځکه موږ داسې وسلې لرو چې تاسې تر اوسه ليدلې نه دي.
۴_د سوډان پوځ پلازمېنه خرطوم کې پرمختګ کړی او مهمې سیمې یې له «SRF» وسلهوالو څخه نیولي.
پاملرنه: د پورته خبرونو د تفصیل کتلو لپاره د هندوکشغږ د خبرونو څانګې ته مراجعه وکړئ.
