په افغانستان کې د ملګرو ملتونو ځانګړې استازولۍ یوناما تېره ورځ يو راپور خپور کړی، چې پکې راغلي افغانستان کې څلور سلنه خلک د ا.ا.ا د رسمیت پېژندنې پلوي دي، يادې استازولۍ د رسمیت په دې اړوند د دوی په وينا ۳۲ ولايتونو کې له ۸۸۸ ښځو او ۶۶ نارينو پوښتنې او د نظر غوښتنه کړې ده.
همدارنګه يادې استازولۍ وړاندې زياته کړې، چې افغانستان کې ۴۵ سلنه خلک له نړيوالې ټولنې غواړي چې د ښځو حقوقو او نورو موضوعاتو اړوند له ا.ا.ا سره خبرې او تعامل ترسره کړي.
پورته سروې او ادعاوو ته په کتلو سره ليدل کېږي، چې يوناما يوه له خود ذاته او هغو منابعو سره له خبرو او د پوښتنو په استناد سروې ترسره کړې، کوم چې تېرو دريو کلنو کې دوی یې په استناد سره ناسم د ا.ا.ا خلاف راپورنه او معلومات نشروي.
دوی د هيواد د ۳۲ ولايتونو يادؤنه کړې، د سروې يو اصل دا ده، چې ساحه به یې مشخصه او د پوښتونکو کسانو عمر، د تعليم، ژوند او نورو بيلابيلو برخو اړوند به يې هم معلومات شتون لري؛ خو دوی په دې برخه کې هيڅ داسې معلومات نه دي نشر کړي او يوازې ۳۲ ولايتونه د اعدادو په ذکر سره ياد کړي دي.
دوی ادعا کړې چې ۸۸۸ تنه ميرمنو مو پوښتنه کړې، خو دوی نه دې ويلې کومې ميرمنې، د کومو سیمو او د ژوند د کوم ډول شرایطو درلودونکې؛ آيا هغه پروژي ۸۸۸ تنه یې یادې کړې دي، کومې چې تمنا پرياني او نورو په شان د هرې لوبې په ترسره کولو د دې په لټه کې دي، چې افغانستان څخه ووځي او د غربي نړۍ د ډيموکراسۍ او ازادۍ جامعې کې ځانونه مدغمې کړي؟دوی د رسمیت پېژندنې او داسې نورو مسائلو اړوند ولې د رسنیو او د هيواد له هر قشر پوښتنه نه کوي، که په واقعيت سره د دوی د سرویو ترسره کولو واقعي حق اداء کوي؟په دې سروې کې بل تضاد دا ده، چې د ټولنې د اکثريت مذکرې طبقې په ځای یې مؤنث قشر پوښتنلی دا په خپل ذات کې د دوی د سروې بطلان ده.
دې پورته دلائلو او نورو ورته مسايلو ته په کتلو سره بيا په اثبات رسېږي، چې په افغانستان کې د ملګرو ملتونو د استازولۍ یوناما لخوا له عقدې او خپل منحصر ديد په اساس راپورنه او سروې ترسره کېږي او د هيڅ ځمکني واقعيت څرګندوي نه کوي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.