د کورنیو چارو وزارت لومړي مرستیال، مولوي محمد نبي عمري افغانستان لپاره د بریټانيا له ځانګړي استازي ریچارد لنزي او ورسره مل پلاوي سره کتلي.
کورنیو چارو وزارت وایي، په دې لیدنه کې دواړو لورو د افغانستان او سیمې پر روان وضعیت خبرې کړې دي.
دې لیدنه کې دغه راز د بريټانيا له لوري د ملګرو ملتونو له لارې د بشري مرستو او د افغان کډوالو د ملاتړ یادونه شوې ده.
د یاد وزارت په وینا، دواړو لورو د همکارۍ او دوامدارو اړیکو پر پیاوړتیا هم ټینګار کړی دی.