په ملګرو ملتونو کې د روسیې د استازي مرستیالې انا اوستیګنیوا، د افغانستان په اړه د ملګرو ملتونو امنیت شورا کې جوړې شوې غونډې ته ویلي، چې نړۍ له افغان حکومت سره د مذاکراتو پرته بله لار نهلري.
هغې زیاته کړې، هېواد یې افغانستان کې د ملګرو ملتونو د مرستندویه ماموریت «یوناما» د تمدید لپاره پرېکړې ملاتړ کوي.
انا اوستیګنیوا ټینګار کړی، چې له اسلامي امارت سره له یوې واقعي تګلارې او خبرو پرته د افغانستان ستونزې حل ناشونی دی.
د یادونې ده، چې مسکو په وروستیو کلونو کې له کابل سره د عملي تعامل او اړیکو د پراخولو ملاتړ کړی او ټینګار کوي چې د سیمهییز امنیت لپاره له اوسني افغان حکومت سره خبرې اترې اړینې دي.