اوکرایني چارواکو اعلان کړی چې نن ورځ سهار د دغه هېواد پر څو سترو ښارونو، په شمول د کېیف، دنیپرو او خارکیف، د روسیې د پراخو توغندیزو او ډرون بریدونو له امله، لږ تر لږه ۹ تنه وژل شوي او له ۶۰ ډېر نور ټپیان شوي دي.
د دنیپرو والي، اولکساندر هانژا ویلي، چې د اوکراین په ختیځ کې پر دې ښار د روسیې په برید کې څلور تنه وژل شوي او ۱۶ نور ټپیان شوي دي.
د اوکراین په پلازمېنه، کېیف کې هم لږ تر لږه یو تن وژل شوی او ۲۹ نور ټپیان شوي دي.
سیمه ییزو چارواکو اعلان کړی چې پر یو څو پوړیزه د اوسېدو ودانۍ توغندیز برید پراخ زیانونه اړولي او احتمال شته چې یو شمېر اوسېدونکي تر نړېدلو خاورو (ملبو) لاندې بند پاتې وي.