د خیبر پښتونخوا شمالي وزیرستان ولسوالۍ اړوند موسیخېلو سیمه کې د پاکستان پوځي رژیم د عسکرو پر موټر بمي برید شوی.
ځایي سرچینو ویلي، برید تېره ورځ ماسپښین مهال شوی چې پر مهال یې د پوځي رژیم لږ تر لږه څلور عسکر هلاک شوي دي.
د رسېدلو معلوماتو له مخې، دې برید کې په نښه شوی پوځي موټر هم تخریب شوی دی.
په ورته مهال اتحاد المجاهدین پاکستان د یوې خبرپاڼې په خپرولو سره د دې برید مسئولیت پر غاړه اخیستی دی.
د پاکستان پوځي رژیم ځایي امنیتي ادارو په دې تړاو څه نهدي ویلي.
