د راډیویي او ټلویزیوني پروګرامونو ترسره کول او د پردې تر شا د پټو حقایقو افشاء کول
نننی نړۍ سرعت کنټرولوي او د عامه قبولیت او منښت د زیاتوالي ابزار په لاس کې لري، چې په مټ یې د سرعت له معیار او دقت سره مخ ته تګ، د معاصر علم او ټکنالوژۍ له پرمختګ سره سم اوږه په اوږه حرکت او سیالي وکړي.
د چټکتیا او ځواکمنۍ ترڅنګ، هېڅکله له دقت څخه مه غافل کېږئ، له تېز رفتارۍ سربېره باید دقت هم هیر نه کړو، بلکې دا باید د ورور په څېر له موږ سره دایمي په څنګ کې وي.
کله چې دا دوې برخې په یوه وسیله کې راجمع شي او د چوپړ امکان پیدا کړي، نو د معلوماتو او اطلاعاتو تر ټولو لوی تولید ځای جوړېږي، بیا یواځې ژمنو او متخصصو مدیرانو او کارکوونکو ته اړتیا لري چې په هنر یې په ښه توګه پوه شي.
راډیو او ټلویزیون هم د دې ډلې برخه ده، کله چې په دقیقو او تازه معلوماتو سره پیاوړی شي، په چټکۍ سره د ټولنې او خلکو په منځ کې یو معتبر او مؤثق ځای نیسي او د اطلاع رسونې یوه قوي خبري سرچینه ترې جوړیږي.
هغه وخت بیا کولای شو په اسانۍ سره د خبرونو خپرولو او د مهمو پروګرامونو د ترسره کولو له لارې د خلکو پام ځان ته راجلب او د حق په رښتیني اواز یې غوږونه ور ډک کړو.
د راډیو او ټلویزیون د دې پراخو ظرفیتونو په کارولو سره کولای شو چې د معتبرو منابعو په حواله د باغیانو د پټو حقایقو د بیانولو او یا د پخوانیو ترخو حقایقو پر مټ، د باغیانو په وړاندې سړه جګړه وکړو او په وړاندې یې تر بریا ورسیږو.
ځکه لکه څرنګه چې هغوی له همدې وسیلې څخه په ګټه اخیستلو، په دروغو او دوکې سره آسمان او مځکه سره وهل، هڅه یې کول چې د هېواد رښتینې مجاهدین بدنام او جریحه دار کړي، اوس د اوسنیو مسؤلینو دنده ده چې له همدې وسیلې څخه په سمه لار او طریقه استفاده وکړي، تر څو یو شر راکم او آفت دفع کړي.
نو په دې اساس، له باغیانو سره د مبارزې یوه لاره دا ده چې د باغیانو په اړه ځانګړي پروګرامونه ترتیب او ترسره شي او د هغوی له تورو څهرو څخه د حقایقو او واقعیتونو په رڼا کې پرده پورته کړل شي.
هر څومره چې په داسې پروګرامونو کې وړاندې کېدونکي معلومات مستند او مدلل وي او داسې حقایق بیان شي چې خلکو یې په تېرو وختونو کې د تریخوالي مزه څکلې وي، هماغه اندازه د باور وړ او موثق کېږي، بیا به یې ټول د صحت تائید کوي او له باغیانو او وطن پلورونکو څخه به بېزار وي.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.