لیکوال: سلمان باور
له لوی افت او لانجې ژغورل شوی افغانستان چې د ژوند امیدونه پکې تازه را ټوکېدلي وو؛ د چور، غلا، ظلم او بربریت مخه پکې په پوره معنی نېول شوې وه، حق حقدار ته سپارل کېدلو، د پردیو فرمایشات پکې منعه شوي وه او…
د شر او فساد لارویان چې په چور، چپاؤل، غلا، وژنه، اختطاف، هېواد خرڅوونه، او عامه شتمنۍ لوټل چې یې روزمره کارونه وو، يو خپلواک او ټول منلی نظام کله غوښته!؟
همدا لامل وو، چې د شر او فساد لارویان د یو ټول منلي نظام پر خلاف عملاً جګړې ته ولوېدل او داسې بې رحمه جګړه یې پیل کړه، چې د وطن بربادي او ویجاړي یې پکې خپل مسؤلیت وباله.
کله چې په مخامخ جګړه کې پاتې راغلل، سمدلاسه یې د امریکا او ناټو تر لمنې ځانونه ورسول او تکراراً یې ترې وغوښتل چې په افغانستان دې یرغل وکړي؛ امریکا چې د همداسې یو ارزانه کرایه پوځ په لټه کې وه، په ډېره اسانۍ ور پیدا شوه.
هغوی په یو خپلواک او ازاد افغانستان بې له کومې وجې یرغل راوړ او د وطن ټول ارزښتونه او اصلي بچیان یې تر بمونو لاندې ونیول، چې ځیني هجرت کولو ته مجبور شول او ځیني نور د بمونو او زندانونو خوراک شول.
(یو امریکایي جنرال “ډیویډ پیټروس” لیکي: که احمد شاه مسعود په ۲۰۰۱م کال کې نه وای وژل شوی، هغه به د لویدیځ لپاره یو تر ټولو پیاوړی ملګری وای.)*
thecipherbrief/wikipedia*
دوی پکې د خپل ماموریت لپاره جالبې څهرې انتخاب کړې وې، چې هغوی په حقیقت کې د وحشتونو او دهشت لوی-لوی داستانونه لرل.
دوستم چې د امریکا او ناټو لپاره د لیونیو کرایه شویو جنګسالارانو له جملې څخه و، نوموړي ته یې د سختو وحشتونو او ظلمونو د کولو لپاره پیسې ورکولې؛ دوستم په دشتې لیلې کې افغانان ژوندي په خاورو ننوېستل، په سرونو یې میخونه ورټک وهل او په قلعه جنګي کې یې، نیول شوي بندیان له یوې مخې ووژل.
یاد وحشتونه ان د غرب محکمو هم وغندل او دوستم یې د یو جنایتکار او وحشي انسان په توګه اعلان کړ.
د بشر د حقونو نړیوال سازمانونو د یادو پېښو د پلټنو غوښتنه وکړه، خو چا به یې پلټنه کړی وای؟ امریکا او که همدوی(د شر او فساد) لارویانو؟
دا خاوره د شر او فساد د بچیانو کومه نادوده هېره کړي!؟ دوی خو له شوروي نیولې تر امریکایي ټول راوستل او ولس ته یې په سترګو کې د خاورو اچولو لپاره به یې ورسره کله نا کله په یو او بل څو مرمۍ وار کړې، خو نور د تجاوزګرو او د فسادیانو هدف او منهج یو وو، ځکه دواړه په افغانستان د شیطانت د حاکمولو لپاره لګیا وو/دي.
هماغه خلک چې ځانونه یې د وطن او اسلام اصلي مدافعین ګڼل نن د هغه کفارو په غېږ کې ناست دي، چې هېواد او اسلام دواړه یې ورته په اور وسواځاوه.
د شر او فساد لارویان د دین او افغاني جغرافيې ارزان بها تجاران دي، شریرانو د اسرائیلو صهیونیستي رژیم څخه یوه پروژه ونيوله چې پکې دا ډاډ ورکړل شوی وو، چې د افغانستان پښتنه قبیله به په کاذبو روایاتو په اسرائیلي صهیونیستي قوم پورې تړي، چې ځیني غلامانو کتابونه هم پرې ولیکل.
دا هېواد او وګړي باید د شیطان د بنده ګانو ناولې موخې او څهرې وپېژني.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
