شېر کړئ Facebook Twitter بریښنالیک Telegram WhatsApp بهرنيو چارو وزارت وايي، مولوي امیر خان متقي د افغانستان لپاره د امريکا له پخواني ځانګړي استازي زلمي خلیلزاد سره ناسته کې د افغانستان او امريکا د دوو اړخیزو اړیکو د پراختیا پر لارو چارو، فرصتونو او ستونزو هر اړخیزې خبرې کړي.سرچينه وايي، ښاغلي متقي خليلزاد ته ويلي، چې له افغانستان څخه د بهرنیو ځواکونو له وتلو او د جګړې له پای وروسته، د افغانستان او امریکا تعامل عملاً نوي پړاو ته داخل شوی. ښاغلي متقي زياته کړې، چې اوسمهال په ګڼو برخو کې د دواړو هېوادونو ترمنځ د اړیکو د پراختیا فرصتونه شته دی.هاخوا بيا زلمي خليلزاد د دواړو هېوادونو ترمنځ پر اړوندو موضوع ګانو خبرې اترې مهمې بللي او د دوه اړخیزو ناستو په دوام یې ټینګار کړی دی.خلیلزاد همدا راز افغانستان کې ډاډمن امنیت او د بیارغونې په برخه کې پرمختګونه د ستاینې وړ بللي دي.
بهرنیو چارو وزارت نورستان ته د را اوښتو شر او فساد ډلو په تړاو د پاکستان شارژدافیر احضار کړی29 سپتمبر 2026
