په مسکو کې د افغانستان لوی سفیر، مولوي ګل حسن حسن، د روسیې سنپیټرزبورګ ښار ته د سفر په مهال له مېشتو افغانانو سره کتلي.
په مسکو کې د افغانستان سفارت ویلي، چې په دې کتنه کې د افغانانو د سوداګریزو، ټولنیزو او قونسلي ستونزو په اړه خبرې وشوې او ګډونوالو خپلې غوښتنې او وړاندیزونه له ښاغلي حسن سره شریک کړل.
سرچینې زیاته کړې، چې افغان سفیر ډاډ څرګند کړی، چې د دوی د ستونزو حل او په روسیه کې ورته د اړینو خدمتونو او اسانتیاوو رامنځ ته کول یې لومړیتوب دی.
مولوي ګل حسن حسن د خبرو پر دوام د افغانانو ترمنځ پر یووالي، همغږۍ او متقابلې همکارۍ هم ټینګار کړی دی.