د کورنیو چارو وزارت وایي، د پکتیا ولایت د ډنډې پټان ولسوالۍ امنیتي ځواکونو یادې ولسوالۍ کې ۲۰ میله بېلابېلې وسلې او یو شمېر مهمات نیولي دي.
وزارت زیاتوي، چې په نیول شویو وسلو او مهماتو کې اته میله کلهکوف ټوپکونه، ۱۲ میله توپنچې، اته شاجورونه، ۲۰ د کلاشنکوف ستنې، ۳ د M4 میلونه او ۳۰۰۰ د توپنچې مرمۍ شاملې دي.
د سرچینې د معلوماتو له مخې، یاد مهمات له پاکستان څخه افغانستان ته قاچاق کېدل، چې د امنیتي ځواکونو له لوري د قاچاق پر مهال نیول شوي دي.
کورنیو چارو وزارت دا هم وایي، چې د عملیاتو پر مهال قاچاق وړونکي له سیمې تښتېدلي چې امنیتي ځواکونه یې د نیولو او پېژندلو جدي هڅې کوي.