د نړیوالو رسنیو د راپورونو له مخې، تېرو ۲۴ ساعتونو کې د غزې تړانګې پر بېلابېلو سیمو د صیونیستي اسرائیلو په هوایي بریدونو کې د ښځو او ماشومانو په ګډون ۶۴ تنه فلسطینیان شهیدان شوي.
راپورونه وايي، دغه بریدونه پر هستوګنیځو سیمو، د کډوالو پر خېمو او نورو ملکي ځایونو ترسره شوي، چې ډېری قربانیان یې ښځې او ماشومان دي.
د یادونې وړ ده چې، صهیونیستي رژیم پر غزې تړانګې له درنو بمباریو سربېره غزې ته د هر ډول بشري مرستو، برېښنا او طبي توکو پر ورتګ بندیز لګولی چې له امله یې په دغه تراړه کې کړکېچن حالت رامنځته شوی دی.