راپورنه وايي، چې په نیپال کې د سېلابونو له امله د مړو شمېر ۹۰۳ ته رسېدلی او له ۲۵۰۰ ډېر کسان ورک دي، په داسې حال کې چې د اوبو برېښنا په پروژو کې ۹۳۳ کارکوونکي هم بند پاتې دي.
نيپالي چارواکي د تونلونو دننه د بند پاتې کسانو د ژغورلو هڅې کوي او وېره ده چې د مړو شمېر نور هم زیات شي.
د نيپال پوهنې وزارت ويلي، چې له سېلاب وروسته د ښوونیزو مرکزونو له ۲۰۰ ډېر زدهکوونکي هم ورک دي.
سېلابونو ښوونځي، روغتونونه، سړکونه، پلونه او د برېښنا پروژې سختې زیانمنې کړې دي.
د نیپال حکومت وايي، د ژغورنې عمومي عملیاتو لپاره بهرنیو مرستو ته اړتیا نشته، خو د بند پاتې کسانو د ایستلو او تخنیکي مرستو په برخه کې به نړیوالې همکارۍ ته اړتیا وي.