د روسیې ولسمشر ولادیمیر پوتین، تازه غزه کې د صهیونیستي رژیم د پرلهپسې محاصرې له امله پر رامنځته شوي بشري ناورین په نیوکې سره ویلي، چې د غرب له نظره د بشر حقوق یواځې د صهیونیستي اتباعو تر ګټو محدود دي.
پوتین زیاتوي: «غرب موږ ته دا را زده کړل، چې د بشر حقوق له اسرائیلي ګټو پیل او پر همدې پای مومي.»
نوموړي ویلي، که چېرې روسیې اوکراین کې یوازې لس سلنه هغه څه کړي وای، چې صهیونیستي رژیم غزه کې وکړل؛ نو اوس به ناټو د مسکو تر دروازو رارسېدلې وای.
پوتین دا څرګندونې داسې مهال کړي، چې د صهیونیستي رژیم د پرلهپسې محاصرې له امله په غزې تړانګه کې انساني ناروین رامنځته شوی او په دغه سیمه کې هره ورځ ګڼ شمېر فلسطینیان له لوږې خپل ژوند له لاسه ورکوي.
صهیونیستي رژیم، ملاتړي او امریکا پر دې ټولو وحشتونو سترګې پټوي او هغه څه وایي چې له حقیقته لیرې دي.
دوی حماس اسلامي غورځنګ د هغه څه مسؤل بولي چې د صهیونیستي رژیم لهخوا په غزه کې ترسره شوي دي.