له خیبر پښتونخوا ځایي سرچینو هندوکشغږ ته وویل چې پاکستاني طالبانو د “لکي مروت” په مچي خېل سیمه کې پر هغو پاکستاني کومانډویي ځواکونو برید کړی چې سیمه کې یې د عملیاتو پلان درلود.
د سرچینې په وینا نښته نن سهار پیل او تر ماښامه يې دوام وکړ، چې په ترڅ کې يې د پاکستان نهه تنه د «SSG» کومانډویي ځواکونه هلاک او اته نور ټپیان شول.
سرچینه وایي، په دغه نښته کې د پاکستان د ځانګړو ځواکونو یو شمېر وسایط هم تخریب او لهمنځه تللي دي.
بل خوا د پاکستان د پوځ د رسنیو څانګې په یوه اعلامیه کې پاکستاني ځانګړو ځواکونو ته اوښتې مرګژوبله تائید کړې ده.
