د امریکا ولسمشر ډونالډ ټرمپ اعلان کړی، چې تر بلې خبرتیا پورې به د بېړیو، بار وړونکو توکو او له سمندري پېښو سره د تړلو هر ډول زیانونو د جبران لګښتونه د هغو ایراني پیسو له لارې ورکول کېږي چې د امریکا متحده ایالات یې په واک او کنټرول کې لري.
ټرمپ په خپل ټولنیز اکاونټ «ټروت سوشل» کې ویلي، که دغه زیانونه ډېر هم وي، بیا هم دا به «عادلانه او مساوي» اقدام وي.
د نوموړي څرګندونې په داسې حال کې دي، چې د امریکا او ایران ترمنځ د سمندري امنیت او سیمهییزو ترینګلتیاوو له امله د بېړیو او نړیوالو بار وړونکو لارو په اړه اندېښنې زیاتې شوې دي.