یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
ګارې شرون د امریکا استخباراتو یا سي آی اې د محرمو خدمتونو برخه کې مقرر یو امریکایي چارواکی و، د نوموړي څهره د غاښونو ډاکټر ته ورته وه، په پښتو او دری ژبه پوهېده؛ هغه ١٩٩٦ کال د پاکستان په اسلام اباد کې د خپلې برخې مسؤل شخص و، یعنې کاري دفتر یې په اسلام اباد کې و او د جاسوسۍ ترمینالوژۍ په برخه کې یې اجنټان استخدامول.
نوموړي له ډېر پخوا استخباراتي جګړو او جاسوسي هدفونو د لاسته راوړنو په موخه د امریکا د وریجینا ایالت د لانګلي سیمې څخه عملیات رهبري کول او اوپراتیفي پلانونه یې جوړول.
ګارې شرون د سي آی اې د رئیس په خوښه غوښتل چې له احمدشاه مسعود سره وګوري؛ مسعود ته یې د لیدنې وړاندیز وکړ او هغه هم ومنله.
له کتنې وروسته یې مسعود ته د اکمالاتو او وسلو برسېره په میاشت کې دوه لکه ډالره نغدې پیسې هم ورکولې.
مسعود او د هغه چریکانو ته د ګارې شرون دا مرستې 1989څخه تر 1991 دوام وکړ، په 1991 کې د شوروي له ماتې وروسته دا مرستې پر مسعود ودرېدلې.
مسعود ته د ګارې شرون سره د ناستو او لیدنو مجلسونه د هغه سلاکار مسعود خلیلي تنظیمولې.
شرون به اریانا افغان الوتکې کې بګرام ته راغی او له الوتکې به یوازې خپل یوې کڅوړې چې په غاړه کې به یې ځړېدلې وه را کوز شو، د مسعود چریکانو به ورته هرکلی وایه؛ دا هرکلی به یې په کڅوړو کې د پرتو شنو ډالرو اغېز له امله وو.
له هغه وروسته به ګارې شرون تر کابل ښار پورې پیکپو موټرانو کې بدرګه شو، بیا به هلته هماغه کور ته رهنمایي کېده چې مسعود به انتخاباوه.
ګارې شرون په خپل یو وینا کې مسعود ته په لومړۍ لیدنې کې ویلي و: “که څه هم یو بل مو مخامخ نه و لیدلي، خو ته او زه یو تاریخ لرو؛ شرون وایي ما مسعود ته ور په زړه کړه چې موږ د 1990 کال څخه ملګري او همکاران یو”.په دې وخت کې مسعود د افغانستان په شمال کې فعالیت لاره او ارګ کې یې د یو چاغ او بریتو ډاکټر نجیب الله حکومت تهدیداوه.
دغه مهال سي آی اې پاکستان کې یو پلان جوړ کړ چې د نجیب حکومت ته ټولې مواصلاتي لارې قطع کړي او همداسې وشول؛ د سالنګونو په شمول کابل ته په غزېدلو لارو یې په حکومتي او محلي کاروانونو د مسعود د چریکانو پر مټ بریدونه پیل کړل، د موټرونو ټول هغه کتارونه الوزول کېدل چې کابل ته یې خوراکي او لوجستکي مواد انتقالول.
د ګارې شرون او مسعود لیدل به چې کله سختېدل، نو شرون به په پیښور کې د ده له ورور احمد ضیاء مسعود سره مجلسونه کول، احمد ضیاء مسعود به له شرون ډېرې مالي مرستې غوښتلې؛ یوځل یې ترې پنځه لکه ډالر اخیستي چې په مقابل کې یې سالنګونه والوزوي، خو هغه عملیات د نجیب د رژیم عسکرو خنثی کړل.
د احمد شاه مسعود او شرون ترمنځ په دې کار سره لږ خفګان پیدا شو چې عملیات یې ولې ناکام شوي؟احمد شاه مسعود ورته وویل: چې تاسې موږ ته وعدې راکوﺉ او مرستې مو نه را رسېږي؛ شرون ورته وویل: چې ما ډېر پخوا ددې عملیاتو په موخه ستا د ورور احمد ضیاء مسعود په لاس پنځه لکه ډالر درلېږلي، مسعود خپلو مرستیالانو ته وکتل، هغوی وویل موږ ته یې نه دي سپارلي؛ هغه پیسې احمد ضیاء مسعود ځان ته څنګ ته کړې وې.
افغانستان د معافیت بحران د بشر د حقوقو څارنه 2001 کال 22 مخOprerating directive (O/D)
