د شر و فساد ډلې ادعا کړې چې پرون یې د کابل ښار څلورمه ناحیه (قوای مرکز) کې یوې چاودنه کې ځینو افغان امنیتي سرتیرو ته زیان اړولی دی.
خو څلورمه ناحیه کې میشت یو امریکایي جیف رګزبي په خپل ایکس پاڼه کې د شر و فساد دغه ادعا رد کړې ده.
هغه لیکلي، زه په څلورمه ناحیه کې اوسیږم، دغه ویډیو چې هر ځای کې ثبت شوې، خو دغه ځای (څلورمه ناحیه) نه ده.
هغه وایي چې په ایکس د مقاومت (شر و فساد) تعقیب دروي، ځکه چې دوی دغسې (ناسم) شیان نشروي.
هغه دا هم وایي چې په کابل کې د شر و فساد د فزیکي شتون هیڅ شواهد نشته.
شر و فساد ځینې مهال په کابل کې د چاودنو ادعاوې کوي، خو عیني شاهدان د دوی ادعاوې ردوي.