په افغانستان کې د تېر حکومت له منځه تللو او د طالبانو له واک ته رسېدلو وروسته په لومړي ځل یوه هندي تخنیکي ډله افغانستان ته راغلې ده.هندي دې وایر رسنۍ لیکلي، څلور کسیز هندی پلاوی د تېرې چهارشنبې په ورځ افغانستان ته رسېدلی دی.خبر وایي، دغه پلاوی هرات ولایت ته تللی او درې ورځې یې هلته تېرې کړي چې موخه یې له سلما ډیم څخه لیدل وو.سلما ډیم چې په رسمي ډول د افغان-هند د دوستۍ ډیم په نوم یادېږي، د هند په مالي مرسته جوړ شوی دی. په یاد ډیم ۲۶۵ میلیونه ډالر لګښت راغلی.هندی پلاوی د هندي Wapcos شرکت غړي دي چې لومړی کابل او بیا هرات ته تللی دی.ځایي امنیتي چارواکو او د افغانستان د اوبو او انرژۍ وزارت مسئولینو د هندي پلاوي ملتیا کوله.سلما ډیم په ۲۰۱۶ کال کې پرانیستل شوی دی. هند د طالبانو د تېر حکومت برعکس دا ځل له طالبانو سره د تعامل لاره غوره کړې ده.افغانستان ته د هندي پلاوي راتګ ښیي چې هند له طالبانو سره خپل تعامل او اړیکو ته سوکه سوکه پراختیا ورکوي.هند د جمهوري نظام پر مهال د افغانستان یو له سترو مالي مرستدویانو څخه وو چې لسګونه لویې پروژې یې پلي کړي دي.
یو څلور کسیز هندی پلاوی د سلما ډیم لیدلو ته راغلی
#image_title