د روسیې د ټاس خبري اژانس د راپور له مخې د روسيې د بهرنيو چارو مرستيال وزير الکساندر پينکين د اسیا-پاسیفیک اقتصادي همکاري (APEC) د بهرنيو چارو او سوداګرۍ وزيرانو په ګډه غونډه کې وېلي، اندونيزيا، ماليزيا او تايلنډ د بريکس سازمان د غړو هېوادونو په توګه له ياد سازمان سره يوځای شوي.
د ياد خبري اژانس د راپور له مخې د روسيې د بهرنيو چارو مرستيال وزير په خپله وینا کې ټینګار کړی چې په کازان کې د بریکس سرمشریزه د نړۍ د عادلانه نظم د رامنځته کولو، د نړیوالو بنسټونو د سمون او د مساوي اقتصادي اړیکو د جوړولو لپاره د دې سازمان د غړو هېوادونو هیلې څرګندې کړې دي.
همدا راز راپور زياتوي چې د بريکس سازمان د غړو هیوادونو د لیست د خپرولو په اړه په کازان کې د ياد سازمان په وروستۍ ناسته کې د روسیې ولسمشر ولادیمیر پوتین له لوري پرېکړه شوې چې د بريکس سازمان، وروستی نوملړ به د هغو هېوادونو له مثبت ځواب وروسته خپور شي چې په ياد سازمان کې د ګډون بلنه ورکړل شوې.