د امریکا ولسمشر ډونالډ ټرمپ، هیله څرګنده کړې، چې امریکایي مذاکره کوونکي چې مسکو ته ځي، د اوکراین د جګړې ختمېدو لپاره د روسیې هوکړه ترلاسه کړي. امریکایي چارواکو ویلي، چې امریکا غواړي روسیه له قید او شرط پرته د جګړې په بندولو هوکړه وکړي.
له بل لوري مسکو بیا ویلي، د هغه ۳۰ ورځني اوربند د وړاندیز جزئیاتو ته په طمعه دی، چې اوکراین پرې هوکړه کړې ده.
د یادونې وړ ده، چې د تېرې سه شنبه په ورځ د سعودي عربستان د جدې په ښار کې د امریکایي او اوکرایني پلاویو په مذاکراتو کې کیف په ۳۰ ورځني اوربند توافق وکړ.