شېر کړئ Facebook Twitter بریښنالیک Telegram WhatsApp د راپورونو له مخې، د روسیې لویې څارنوالۍ د دغه هېواد له سترې محکمې څخه غوښتي چې، د افغانستان د سرپرست حکومت نوم د روسیې له تور نوملړ څخه لرې کړي.راپورونه کاږي، د روسیې ستره محکمه به د روانې میلادي میاشتې په ۱۷مه نېټه په دې اړه غونډه وکړي.له بل لوري د سرپرست حکومت مرکزي ویاند مولوي ذبیح الله مجاهد د روسیې له ټاس خبري اژانس سره په مرکه کې دغه اقدام ستایلی او دا یې د روسیې او افغانستان ترمنځ د اړیکو پیاوړتیا لپاره یو اړین ګام بللی دی.یاده دې وي چې، واک ته د سرپرست حکومت له بیا ځل رسېدو وروسته لوړپوړو روسي چارواکو په نړیوالو غونډو کې له سرپرست حکومت سره د اړیکو د بیا پیل غوښتنې کړي.
