د پنجشېر ولایت مقام د رسنیو دفتر وایي، چې یو افغان سوداګر چمتوالی ښودلی چې د دغه ولایت د کانونو د فني استخراج په برخه کې له ۳ تر ۱۲ میلیونه ډالره پانګونه وکړي.
د سرچینې د معلوماتو له مخې یاد سوداګر به د یاد ولایت پریان ولسوالۍ ۲۲ کیلومتره مربع سیمه کې د وسپنې په تثبیت شوي کان کې پانګونه وکړي.
د ولایت مقام د رسنیو دفتر د سوداګر له قوله لیکلي چې د پروژې تړون د سرپرست حکومت د ریاستالوزراء د اقتصادي معاونیت له خوا تائید شوی دی.
د سرچینې په خبره دغه سوداګر به نه یوازې د وسپنې استخراج، بلکې د پروسس او بسته بندۍ چارې هم په یاد ولایت کې ترسره کوي چې ورسره به د سیمې سلګونه کاریګرو ته د کار زمینه هم برابره شي.
د پنجشیر ولایت مقام د رسنیو دفتر وړاندې لیکلي، چې د پنجشېر ولایتي اداره هڅه کوي چې د بېلابېلو لارو څخه په ګټې اخیستنې په دغه ولایت کې چې پخوا ورته لازمه پاملرنه نه ده شوې فرصتونه برابر کړي.
بل خوا د پنجشېر اوسېدونکي د د دغه ولایت د وسپنې د کانونو د استخراج د عملي هڅو هرکلی کړی او هیله یې څرګنده کړې چې په دې سره به یې د ژوندانه شرایط لا ښه شي.