هندوکش غږ ته رسېدلي معلومات ښيي، چې نورستان کې ډيورنډ فرضي کرښې ته څېرمه د پاکستاني ملیشو، داعش ډلې او د شر او فساد يوه ګډه دسيسه شنډه شوې.
معلومات ښيي، چې د پورته يادو شويو ډلو څخه جوړ يوه ګروپ غوښتل چې د نورستان کامدیش ولسوالۍ په استقامت له ډيورنډ فرضي کرښې څخه را واوړي او دلته نا امني جوړه کړي.
ځانګړو ځواکونو د يادو دسيسهګرو پر وړاندې په وخت اقدام کړی او د جګړې په پايله کې د يادو ډلو لسګونه تنه مړه، ټپيان او یا هم ژوندي نیول شوي دي.
د یادونې وړ ده چې له يادې ډلې څخه پاتې کسان بیرته له فرضي کرښې پورې غاړه د پاکستاني ملیشو مرکزونو ته تښتېدلي دي.