اریانا افغان هوايي شرکت ويلي، د سوداګریزو توکو د لېږد د اسانتیا لپاره یې د کابل ـ ډیلي ترمنځ کارګو الوتنې زیاتې کړې دي.
د دغه شرکت په وینا، اوس په دې مسیر هره ورځ دوه منظمې کارګو الوتنې ترسره کېږي، په داسې حال کې چې مخکې یوه الوتنه کېده.
اریانا افغان شرکت ويلي، دغه الوتنې به د افغان سوداګرو لپاره د توکو د چټک او خوندي لېږد لپاره زمینه برابره کړي.
یادشرکت زیاتوي، هڅه کوي د سوداګرۍ، صادراتو او وارداتو د اسانتیا لپاره خپل هوايي کارګو خدمات نور هم پراخ کړي.