هندوکشغږ ته ځايي سرچینو ویلي، پاکستاني طالبانو تېره ورځ ټانک او شمالي وزیرستان کې له پاکستاني پوځیانو سره په دوو نښتو کې لږ تر لږه ۱۶ پوځیان هلاک او ټپیان کړي دي.
د سرچینې د معلوماتو له مخې، لومړۍ نښته د ټانک ولسوالۍ په ګومل سیمه کې رامنځته شوې چې پر مهال یې اته پاکستاني عسکر هلاک او ټپیان شوي او یو تن پاکستاني طالب خپل ژوند له لاسه ورکړی دی.
سرچینه زیاتوي، پاکستاني طالبانو د شمالي وزیرستان په سپین وام سیمه کې پر پوځي مرکز برید کړی چې په ترڅ کې یې څلور پاکستاني عسکر هلاک او څلور نور ټپیان شوي دي.
بلخوا ځایي سرچینو راپور ورکړی چې پاکستاني طالبانو نن سهار د شمالي وزيرستان ګړيوم سيمه کې د پاکستاني عسکرو پر ګزمې برید کړی چې په کې دوه تنه هلاک او دوه نور ټپيان شوي دي.
پاکستاني حکومت د دې بریدونو په اړه څه نهدي ویلي؛ خو سیمهییزې سرچینې وایي، خیبر پښتونخوا کې په دې وروستیو کې پر پاکستاني پوځیانو بریدونه د پاکستاني طالبانو ورځنی معمول ګرځېدلی دی.