دګارډين ورځپاڼې د راپور له مخې د روسیې د امنیت شورا مرستيال او د دغه هېواد پخواني ولسمشر ديميتري مدودف د امريکا د ولسمشر ډونالډ ټرمپ د هغه خبرو په ځواب کې چې ويلي یې وو: «ولادیمیر پوتین نه پوهېږي چې که زه نه وای، نو د روسیې لپاره به واقعاً ډېر خراب حالات رامنځته شوي وای او هغه له اور سره لوبې کوي.» چې ټرمپ بايد په دې پوه شي چې يواځينۍ بده پېښه درېيمه نړيواله جګړه ده نور هېڅ نشته.
له بل لوري سي اېناېن خبري شبکې د خپلو باخبرو سرچېنو په قول ويلي، چې د پوتین په وړاندې د ټرمپ د ناراضايتۍ له زیاتوالي وروسته چې لامل یې پر اوکراین پراخ هوایي بریدونه دي سپینه ماڼۍ دا مهال د روسیې پر ضد د نويو بندیزونو د لګولو ارزونه کوي.
سرچينې ويلي، چې په تېرو اوونیو کې د مسکو پر وړاندې د احتمالي بندیزونو ځینې طرحې جوړې شوې وې؛ خو تر دې دمه ټرمپ خپله نهايي پرېکړه نه ده کړې.