د افغان حکومت ویاند، مولوي ذبیح الله مجاهد وایي، چې د حکومت د مشرتابه په حکم په حکومتي ادارو کې یو لړ نوې ټاکنې وشوې.
د ښاغلي مجاهد په خبره، د فاریاب ولایت مخکنی والي ملا عبدالاحد فضلي، دمخابراتو او معلوماتي ټیکنالوژۍ وزارت د وزیر په توګه ټاکل شوی.
دغه راز د نویو ټاکنو له مخې، د بادغیس ولایت مخکنی والي ملا محمد حنیف حمزه، د فاریاب د والي په توګه، د بغلان ولایت مخکنی والي مولوي عبدالرحمن حقاني، د خوست ولایت د والي په توګه او د خوست ولایت مخکنی والي مولوي عبد ﷲمختار، د بغلان ولایت د والي په توګه ټاکل شوي.
په نورو بدلونونو کې بیا د بغلان، لوګر، پکتیکا، میدان وردګ، فراه، هلمند او نیمروز په ګډون د څو ولایتونو لپاره نوي والیان، مرستیالان او امنیه قومندانان هم معرفي شوي دي.