د ارشاد، حج او اوقافو وزارت خبر ورکړی، چې سعودي عربستان ته د روان ۱۴۴۷ ه.ق کال د افغان حاجیانو د لېږد بهیر پایته ورسېد.
د یاد وزارت په وینا، یاد بهیر د تېرې وري میاشتې په ۲۸مه نېټه پیل شوی و او پرون (چهارشنبه) پای ته ورسېد.
د ارشاد، حج او اوقافو وزارت د معلوماتو له مخې، سږ کال ټول ۳۰ زره افغان حاجیان د اریانا افغان او کام ایر هوایي شرکتونو له لوري په ۹۷ پروازونو کي د سعودي عربستان جدې او مدینې منورې ښارونو ته لېږدول شوي دي.
یاد وزارت ډاډ ورکړی چې د حج مراسمو له بشپړېدو وروسته به خپل هېواد ته د افغان حاجیانو د بېرته راستنېدو بهیر هم د ټاکل شوي مهالوېش له مخې په منظم او خوندي ډول ترسره شي.