د امریکا د پوځ مرکزي قومندانۍ (سنټکام) ویلي، چې د دغه هېواد د ولسمشر ډونالډ ټرمپ په حکم نن (پنجشنبه) د ایران سمندري محاصره پای ته رسېدلې ده.
د راپورونو له مخې، دغه پرېکړه د امریکا او ایران ترمنځ د هوکړې له لاسلیک کېدو وروسته شوې ده.
د معلوماتو له مخې، امریکا د ایران پر بندرونو او کښتیو لګېدلي محدودیتونه لرې کړي او د ایران بندرونو ته یې د کښتیو د تګ راتګ اجازه ورکړې ده.
د یادونې ده، چې د امریکا د پوځ له لوري د ایران سمندري محاصره په تېره اپرېل میاشت کې د دغه هېواد د بندرونو د څار او د بېړیو د مخنیوي لپاره نافذه شوې وه.