د ایران د خبرهګان شورا ۶۲ غړو د یوه ۱۰ مادهییز بیان په خپرولو سره د امریکا ولسمشر ډونالډ ټرمپ او د صهیونیستي رژیم لومړی وزیر بنیامین نتانیاهو «مهدورالدم» بللي.
دوی ویلي، د دغو کسانو وژل «واجب» دي.
د ایران خبرهګانو شورا دغه راز په جنوبي لبنان کې د صهیونیستي رژیم د بریدونو دوام ته په اشارې، د هرمز تنګي بېرته پرانیستل یوه «ستراتیژیکه تېروتنه» بللې ده.
په دې بیانیه کې د ایران د رهبر مجتبي خامنه ای د څرګندونو پر بنسټ ټینګار شوی، چې په مذاکراتو کې د اټومي دوسیې په اړه بحث جایز نه دی، باید د هرمز تنګي په مدیریت، د تاوانونو په ترلاسه کولو، د کنګل شویو شتمنیو په بېرته راګرځولو او له سیمې د امریکا په اېستلو کې هیڅ ډول ناغېړي ونه شي.
دوی دغه راز ټینګار کړی، چې دولتي چارواکي باید د ایران مذهبي مشر له نظر سره سم د خبرو اترو له اوږدولو ډډه وکړي.