روسي رسنيو د ياد هېواد د بهرنيو چارو وزارت له قوله خبرداری ورکړی، چې که د لويدیځ هېوادونو ځواکونه د اوکراین خاورې ته داخل شي، مشروع پوځي هدفونه به وبلل شي
د روسیې د بهرنیو چارو وزارت ویلي، که د لوېدیځ هېوادونو ځواکونه د «د لېواله هېوادونو ائتلاف» تر نامه لاندې اوکراین ته واستول شي، دا به د بهرني پوځي مداخلې څرګند مصداق وي، او دغه ځواکونه به د روسیې له نظره مشروع پوځي هدفونه وبلل شي.
روسیې تر دې وړاندې هم لويديځ ته ګوتڅنډنه کړې وه، چې اوکراين سره له پوځي مرستو ډډه وکړي.