د ایران سپاه پاسداران خبرداری ورکړی، چې که امریکا د ایران پلونه او ترانسپورټي زېربناوې په نښه کړي، نو تهران به د هغو شرکتونو مهمې صنعتي، معلوماتي ټکنالوژۍ او د مصنوعي ځیرکتیا (AI) شتمنۍ په نښه کړي او له منځه یوسي چې امریکايي پانګوال پکې ونډه لري. سپاه دا هم ویلي، چې په سیمه کې به د امریکا تر ټولو ارزښتمنې پانګې له خاورو سره خاورې کړي.
بل لور ته، د ایران د ستر مذهبي مشر پوځي سلاکار محسن رضايي هم ویلي، که د امریکا بریدونه د نورو دوو یا درېیو ورځو لپاره دوام وکړي، ایران به د «تهاجمي او ویجاړوونکو عملیاتو» نوي پړاو ته داخل شي او د جګړې بڼه به لا نوره پراخه شي.