د لبنان د عامې روغتیا وزارت وایي، چې د ۲۰۲۳ کال د اکتوبر له ۸مې راهیسې پر دغه هېواد د اسرائیلي رژیم د بریدونو له امله د وژل شویو کسانو شمېر ۸ زره ۹۱۵ تنو ته رسېدلی دی.
د وزارت د معلوماتو له مخې، په همدې موده کې ۳۰ زره ۵۴۳ کسان ټپیان شوي دي. یوازې د ۲۰۲۶ کال د مارچ له ۲مې راهیسې د اسرائیلي بریدونو له امله ۴ زره ۳۴۸ کسان وژل شوي او ۱۲ زره ۳۰۷ نور ټپیان شوي دي.
د لبنان د روغتیا وزارت دغه شمېرې په داسې حال کې خپروي چې د دغه هېواد په جنوبي سیمو کې د اسرائیلي رژیم بریدونو او نښتو له امله وضعیت لا هم ترینګلی دی.