الجزيرې راپور ورکړی، چې اسرائیلو بریتانیا ته امر کړی چې په ختیځ بیتالمقدس کې خپله قونسلګري په ۳۰ ورځو کې وتړي او په دغه قونسلګرۍ کې مېشت بریتانوي ډیپلوماټان به هم خپل رسمي اعتبار له لاسه ورکړي.
د راپور له مخې، په رامالله کې مېشت بریتانوي ډیپلوماټانو او په اسرائیلو کې د امریکا په مشرۍ د غزې د همغږۍ په ماموریت کې کارکوونکو ته هم ویل شوي چې په اووه ورځو کې له سیمې ووځي.
اسرائیل دغه اقدام وروسته له هغې کړی چې بریتانیا، فرانسې او کاناډا د لوېدیځې غاړې په اسرائیلي مېشتځایونو د بندیزونو او له دغو سیمو څخه د تولید شویو توکو د وارداتو د منع کولو اعلان وکړ.
د اسرائیلو د بهرنیو چارو وزیر ګیډون ساعر ویلي، د بریتانیا اقدامات د اسرائیلو په کورنیو چارو کې لاسوهنه ده، خو د بریتانیا د بهرنیو چارو وزیر اېډ مېلیبنډ د اسرائیلو د غچ اخیستونکي اقدام په اړه خواشیني څرګنده کړې او ویلي یې دي چې د لندن پرېکړه یې له احتمالي پایلو سره کړې ده.