اینترسپت راپور ورکړی، چې د امریکا یونایټډ ایرلاینز له شپږ میاشتني ځنډ وروسته اسرائیلو ته د ملکي مسافر وړونکو الوتنو له لارې د پوځي تجهیزاتو لېږد بېرته پیل کړی دی.
یونایټډ ایرلاینز د امریکا د نیوجرسي ایالت له نیوارک لیبرټي نړیوال هوايي ډګر څخه تلابیب ته پنځه پوځي محمولې لېږدولې دي. په دغو محمولو کې د اسرائیلي وسلو جوړوونکې «البیت سیستمز» اړوند برېښنايي تجهیزات شامل وو.
راپور زیاتوي چې د دغو محمولو ترڅنګ درې نورې محمولې هم د «البیت سیستمز» په کرمیئل سیمه کې تأسیساتو ته لېږدول شوې دي. د اینترسپت په وینا، دغه انتقالونه د ملکي مسافر وړونکو الوتنو له لارې ترسره شوي دي.