د ترکیې دولتي خبري اژانس د راپور پر بنسټ د دغه هېواد ولسمشر رجب طیب اردوغان د اسلامي هېوادونو ترمنځ د سوداګرۍ، پانګونې او مالي همکارۍ د پراختیا غوښتنه کړې.
راپور زیاتوي، اردوغان استانبول کې د اسلامي اقتصاد دويمې نړۍوالې غونډې ته په وینا کې ویلي: «په داسې شرایطو کې چې نړۍوال اقتصاد له ډېرو ننګونو سره مخ دی، اسلامي بانکوالي کولای شي له اخلاقي، عادلانه او دايمي حللارو سره اغېزناک رول ولوبوي.»
نوموړي همداراز په دغه غونډه کې د سود نه د پاکې بانکوالۍ لپاره خپل ملاتړ ښودلی او د راکړې-ورکړې په مالي نظام کې یې د بدلون غوښتنه کړې ده.