د صنعت او سوداګرۍ وزارت ویلي، چې د افغانستان او قزاقستان د خصوصي سکټورونو ترمنځ د سوداګریزو اړیکو د پراختیا په موخه د همکارۍ ۲۵ هوکړې لاسلیک شوې دي.
وزارت زیاته کړې، چې دا هوکړې د افغان-قزاق فورم، د دواړو هېوادونو د تولیداتو او محصولاتو د نندارتون او د خصوصي سکټور د استازو ترمنځ د سوداګریزو غونډو په پایله کې لاسلیک شوي دي.
د معلوماتو له مخې، یادې هوکړې د درملو، تازه او وچې مېوې، سبزیجاتو، بانکي همکاریو، اوړه، غنمو او نورو برخو کې لاسلیک شوي.