د اوبو او انرژي وزارت د انرژي معین ملا عبدالهادي یعقوب د خپل کار په دفتر کې د یوه بلاروسي شرکت له مسؤلینو سره د انرژي د تولید په پروژو کې د پانګونې په هکله خبرې کړي.
له اوبو او انرژۍ وزارت څخه د خپرو شویو معلوماتو له مخې، د یاد شرکت مسؤلینو ویلي، لېواله دي چې د ګاز، ډبرو سکرو، باد او لمر له سرچینو څخه د انرژۍ د تولید په پروژو کې پانګونه وکړي.
په ورته مهال، د یاد وزارت د انرژۍ مرستیال په افغانستان کې د یاد شرکت د پانګونې د لېوالتیا هر کلی کړی او هغوی ته یې د دغه وزارت له لوري د هر راز همکاري ډاډ ورکړی دی.