د پنجشېر ولایت ځايي مسئولینو ویلي، چې په دې ولایت کې د ۶۶ ډوله منرالونو د استخراج لپاره د جوازونو د وېش لړۍ پیل شوې ده.
د دوې په وینا، د افغان حکومت د مشرتابه د تازه حکم او د کانونو او پټرولیم وزارت د کړنلارې له مخې، د زمردو او یاقوتو سربېره د نورو بېلابېلو قېمتي ډبرو د استخراج برخه کې اسانتیاوې برابرې شوې دي.
د یادونې ده، چې دا مهال په پنجشېر کې د بیروج او ګرین ګارنیټ استخراج هم روان دی، چې شاوخوا ۲۰۰ کسانو ته پکې د کار زمینه برابره شوې ده.