د چارو ادارې عمومي رئیس شیخ نورالحق انور وایي، د افغان حکومت له لوري د مالیاتي او تادیاتي نظام د عصري کولو لپاره د پام وړ اقدامات شوي او د برېښنايي سیستمونو په فعالېدو سره په دې برخو کې اسانتیاوې رامنځته شوې دي.
شیخ نورالحق انور د مالیاتي تخفیفونو د اعلان په غونډه کې وویل، د مالیاتي او تادیاتي برخو عصري کېدل د مالیاتو راټولولو او دولتي تادیاتو بهیر چټک، منظم او شفاف کړی، چې خلکو او سوداګرو ته یې ډېرې اسانتیاوې برابرې کړې دي.
نوموړي زیاته کړه، د مالیاتي تخفیفونو اعلان به د خصوصي سکټور، پانګهوالو او مالیه ورکوونکو ملاتړ وکړي، اقتصادي فعالیتونه به پراخ کړي او د سوداګرۍ د ودې لپاره به نوې زمینه برابره کړي.